Македонскиот кошаркар Ненад Димитријевиќ во поразот на Хувентуд против Барселона направи мајсторски потег, кој не се гледа секој ден на кошаркарските паркети.
Навивачите паднаа во транс по потегот на Македонецот, а жртва на Димитријевиќ му беше Маркус Дилејни, кој не знаеше што го снајде по мајсторијата на нашиот кошаркар.
Денеска пишува цел Балкан за мајсторијата на македонскиот кошаркар, а има и зошто бидејќи потегот на Димитријевиќ е дефинитивно еден од најдобрите сезонава во Шпанија, ако не и најдобар.
