Јокиќ: Јас ќе премолчам, но добро за судијата е што мечот не се играше во Србија!

Српскиот кошаркар Никола Јокиќ доби исклучување на мечот меѓу Денвер и Чикаго во НБА-лигата, поради кое остана во шок.

Јокиќ доби втора техничка грешка пред крајот на полувремето и исклучување за кое судиите кажаа дека е поради неговиот непристоен речник.

Србинот даде коментар за ситуацијата и кажа дека не е задоволен од судиската одлука.

„Добро е што овој меч не го игравме во Србија. Би било интересно да се види како ќе заврши таква судиска одлука. Но, тоа е, не може ништо да се промени. Некои лица во лигата мислат дека можат да прават што сакаат. Некој може да каже што сака, а јас не може ништо“, кажа Јокиќ.