Денеска се одржа ждрепката за квалификации за Европското првенство во женски ракомет кое ќе се игра во 2026 година. Македонската женска ракометна репрезентација ги дозна своите противници. Нашиот тим беше во третиот шешир, а ждрепката ги смести во групата 3.
Македонија ќе игра против три силни екипи – Германија, Словенија и Белгија. Нашите ракометарки ќе имаат тешка задача да осигураат едно од првите две места што водат директно на континенталниот натпревар.
Освен првите две екипи од секоја група, на Европското првенство во 2026 ќе учествуваат и четири најдобро третопласирани репрезентации.
