Жената која го создаде најмоќниот тим во Ф1: Секоја трка ја подготвувам три недели претходно..

Ред Бул доминира оваа сезона во Формула 1, иако многумина го гледаат Ферари како нивен ривал, но сепак грешките на италијанската екипа скапо беа платени.

Макс Ферстапен со одлична тактика успеа да стигне нови бодови и да ја зголеми разликата пред Шарл Леклер од Ферари.

Ред Бул со години е меѓу најмоќните тимови во „најбрзиот циркус“, а еден од најзаслужните е Кристијан Хорнер, но и една госпоѓа која досега не била премногу во центар на внимание.

Хана Шмиц е задолжена за комуникацијата на возачите и боксот, а исто така и за стратегијата за време на трките.