Тренерот на Јуве, Масимилијано Алегри, кажа дека мора да се смират страстите по пристигнувањето на Кристијано Роналдо во Торино.
Роналдо летово реши да го напушти Реал Мадрид и за 105 милиони евра да премине во Јувентус.
„Роналдо е голем играч и мило ми е што ќе го тренирам. Неговото искуство може да биде голема предност за нас. Сепак, гледам премногу возбудување поради трансферот, а тоа не е добро бидејќи во иднина ќе се соочиме со многу поголем притисок од останатите ривали“, вели Алегри.
Јувентус во моментов се наоѓа на подготовки во Америка.
