Ферари објави дека го продолжиле договорот со Кими Раиконен до крајот на 2018 година.
Во соопштението од таборот на Ферари истакнаа дека го обновиле нивниот технички и тркачки договор со Финецот.
37 годишниот возач на Ферари со тоа ќе остане петта сезона во тимот од Маранело. Претходно Кими возеше за Ферари и во сезоните 2007/08 и 2008/09.
Раиконен во моментов е на петтата позиција во генералниот пласман во Формула 1. Неговиот тимски колега, Себастијан Фетел е на првата позиција со 14 бодови предност пред Луис Хамилтон.
Договорот на Себастијан Фетел истекува по крајот на оваа година и се уште не е позната неговата иднина.
