Баерн Минхен одигра фуриозен меч на „Алијанц Арена“ против Борусија Дортмунд, па го декласираше единствениот ривал за титулата во Бундеслигата со 5-0 и се врати на врвот на табелата.
Баварците во десетата минута од мечот стигнаа до водство од 1-0 преку Матс Хумелс, а Роберт Левандовски погоди за 2-0 во 17. минута.
Во продолжение од првото полувреме, во листата на стрелци се запишаа и Хави Мартинез во 41. минута, а Серж Гнабри ги „нокаутираше“ гостите во 43. минута и погоди за 4-0.
„Милионерите“ продолжија со очајната игра и во вториот дел од средбата, па речиси и да не се заканија кон голот на домаќините, а конечните 5-0 ги постави нивниот поранешен фудбалер Левандовски во 89. минута.
Баерн Минхен е лидер со 64 бодови на табелата, а Дортмунд е зад нив со еден бод помалку по 28 одиграни кола во германскиот шампионат.
