Фудбалерот на Ливерпул, Садио Мане во моментов се наоѓа со репрезентацијата на Сенегал на Африканскиот куп на нациите.
Сенегал вчера во првиот натпревар ја победи Танзанија со 2:0, а стрелци на головите беа Кеита Балде и Крепин Диате. Репрезентацијата во која играат многу ѕвезди како Мане, Кулибали, Кеита Балде..е еден од фаворитите за освојување на првенството оваа година.
Одличниот фудбалер на Ливерпул истакна дека е подготвен да го менува трофејот во Лигата на шампионите за тој од Африканскиот куп на нациите.
„На нас е да направиме нешто големо. Секако дека сме меѓу фаворитите, не можеме да се криеме од тоа. Но самото размислување не е доволно за да одите до крајот. Победа со мојата земја, која никогаш не го освоила Африканскиот куп на нациите би била величенствена. Дури сум подготвен и да го заменам трофејот од Лигата на шампионите за да го освојам Африканскиот Куп на нациите. Враќањето во Дакар би било неверојатно. Ова е мојот најголем и најлуд сон“ –истакна Мане.
