Мина точно една година, откако ракометарите на Вардар го кренаа вториот трофеј од Лигата на шампиони (ЛШ), по нивниот триумф вофиналето против Веспрем со 27-24.
„Црвено-црните“ не беа фаворити за титулата поради тешката финансиска состојба која владееше во тимот, но срцето на терен и желбата за победа на крајот беа посилни.
Вардар сезонава нема да има шанса да ја брани титулата, иако требаше да игра во нокаут-фазата од ЛШ бидејќи ЕХФ го прекина натпреварувањето поради пандемијата и соопшти дека ќе се игра само фајнлфор на 28 и 29 декември.
Сепак, како мала „утеха“ е тоа што Вардар ќе остане шампион уште шест месеци до големото финале во елитното натпреварување.
