ChatGPT ми беше гостин во поткаст – и не зажалив! ↓↓↓
Бразилскиот репрезентативец Родриго се наоѓа на излезната врата од Реал Мадрид затоа што Флорентино Перез се согласи на неговото барање да ја намали цената и ќе го пушти овој офанзивец да замине за 90 милиони евра.
Родриго изминатите сезони беше еден од најважните играчи во екипата на Реал, затоа што постигнал некои од головите кои “кршеа” натпревари во отсутни моменти, но потоа сè тргна надолу.
Сè започна со доаѓањето на Килиан Мбапе минатото лето, по кое Родриго ја изгуби минутите што ги имаше, а не помогна ни тоа што беше прилично надвор од форма.
Исто така, минатата сезона Бразилецот имаше и проблеми со повреди и често беше надвор од теренот, а на крајот имаше веројатно најлоша сезона откако стаса во Реал Мадрид.
Иако се надеваше дека доаѓањето на Хаби Алонсо ќе го промени тоа, изгледа дека нема ништо од тоа. Родриго скоро и да не играше на Светското клубско првенство, што му беше јасен знак дека можеби најдобро би било да побара нов клуб.
Интерес за Родриго покажаа Ливерпул, Тотенхем, Арсенал и ПСЖ, но цената од 110 милиони евра што Реал ја постави за него е поголема од очекуваната.
“Нека дадат 90 милиони евра и ти можеш да одиш,” му порача претседателот на Реал на овој играч.
Фото: Принтскрин
