Балотели се враќа во репрезентацијата за мечот против Македонија

Селекторот на италијанската репрезентација, Роберто Манчини планира во тимот да го повика напаѓачот на Адана Демирспор, Марио Балотели.

Балотели го одигра последниот меч за „аѕурите“ пред три години, а сега повторно ќе има шанса да го облече дресот на Италија.

Манчини планира да му даде уште една шанса и да го повика на подготовките кои ќе се одржат во следните недели за натпреварот против Македонија во баражот за Светското првенство (СП).

Италијанскиот селектор смета дека искусниот напаѓач, кој го тренираше и во Манчестер сити, ќе му биде од голема корист во репрезентацијата на „аѕурите“.