Британскиот возач на Мерцедес, Луис Хамилтон заврши прв на целта на патеката Пол Рихард во Франција, трка која се возеше за прв пат по 1990 година.
Хамилтон стартуваше одлично и имаше среќа на почетокот на трката затоа што не учествуваше во судирот помеѓу второпласираниот Ботас и третопласираниот Фетел. Поради овој судир Германецот доби казна од пет секунди, а на крајот трката ја заврши на петтата позиција.
Втор патеката ја помина младиот Макс Ферстапен, додека подиумот го комплетираше Кими Раиконен.
Со оваа победа Хамилтон се врати на првата позиција и сега има 14 бодови повеќе во однос на Себастијан Фетел кој ќе се обиде да се врати на врвот веќе следната недела за кога е закажана трката за Големата Награда на Австрија која ќе се води на „Ред Бул Ринг“.
? CLASSIFICATION (RACE FINISH) ?
A controlled race from Hamilton and the 26th different circuit where he’s won!#FrenchGP ?? #F1 pic.twitter.com/EAr0dCXJ5f
— Formula 1 (@F1) June 24, 2018
