Возачите на Ферари изјавија дека се достојни ривали на Мерцедес на првите тестови пред почетокот на сезоната во Ф1.
Посебно изјава даде Раиконен кој беше најбрз на 2 од 4 денови од тестовите додека преостанатите 2 им припаднаа на Хамилтон и Ботас.
„Ако се споредиме со минатата година, се оди многу подобро. Тоа е добар почеток, добро го чувствувам болидот, се добро функционира, немавме проблеми, па не можеме да се пожалиме. И понатаму има многу работа пред нас. Имаме уште една недела пред првата трка.“
Минатата сезона само Ред Бул успеа да победи на една трка, а останатите им припаднаа на возачите на Мерцедес.
„Сеуште не знаеме дали ќе бидеме доволно брзо. Учевме од минатите грешки, а засега се изгледа добро и тоа е најважно.“
Следните тестови се на програмата од 7 до 10-ти март во Барселона, а првата трка се вози на 26-ти март во Мелбурн.
