Мартин Томовски имаше одлична голманска партија, но не успеа да го спречи поразот на Битигхајм од германскиот шампион Магдебург со 24-33 во шестото коло од Бундеслигата.
Македонскиот репрезентативен голман беше сериозно тестиран во текот на целиот натпревар, бидејќи Магдебург упати дури 49 удари кон неговиот гол. Томовски одговори со 16 интервенции и беше една од најсветлите точки во составот на Битигхајм.
Сепак, квалитетот и широкиот ростер на актуелниот германски шампион дојдоа до израз, па Магдебург без поголеми проблеми стигна до убедлив триумф.
