Разочараниот Харт се огласи преку социјалните мрежи

Еден од најискусните англиски голмани, Џо Харт нема да патува на Светското првенство во Русија.

Селекторот на Англија, Герет Саутгејт пред два дена го објави поширокиот список на фудбалери на кои смета за Мундијалот, а на него не се најде Џо Харт. Покрај него на списокот го нема ниту Џек Вилшер.

„Нема да лажам, уништен сум. Откако две години се обидував да се извлечам од тешката ситуација, ова е многу тешко да го прифатам. Горд сум на секоја минута која ја одиграв и му помогнав на тимот да се квалификува. Знам што донесов на тимот, но работите се такви какви што се. Среќно на репрезентацијата во Русија, играчите знаат дека иако не сум таму, ќе го носам дресот на Англија како навивач и ќе ги поддржувам цело време. Без страв, одете и растурете ги“ –напиша Харт на социјалните мрежи.

Џо Харт беше стандарден меѓу стативите на Англија, и се очекуваше и покрај променливата форма да патува во Русија, но Саутгејт се реши шанса да му даде на голманот на Барнли, Поуп.

Not going to lie, I’m gutted. After 2 years of trying to make the most of a really tough situation, this is hard to take. I’m proud to have put in the graft and play every minute to qualify with the team and have a really important input in that outcome. I know what I bring to the team, but it is what it is. Good luck to the team out there, the players know that even though I won’t be there, I will have my England shirt on as a fan this time and supporting all the way. No fear, go and smash it. ??? and proud x

A post shared by Joe Hart (@joehartofficial) on May 18, 2018 at 1:02am PDT