Шанса да станеш YouTuber! Приклучи се! ↓↓↓
„Марка“, весникот близок до Реал Мадрид во денешното издание излезе со сторија дека еден од најдобрите фудбалери во историјата, Кристијано Роналдо нема да настапи на УЕФА Суперкупот во Скопје.
Роналдо е дел од репрезентацијата на Португалија за претстојниот Куп на Конфедерации и доколку со репрезентацијата стигнат до финишот на натпреварувањето речиси е сигурно дека ќе го пропушти дуелот против неговиот поранешен клуб, Манчестер Јунајтед.
Купот на Конфедерации своето финале го има на 2 јули, а доколку Португалија биде дел од него Роналдо ќе отсуствува на натпреварите против Барселона во Мајами и против Јунајтед во Скопје.
Сепак, постои можност Роналдо да допатува во Скопје доколку репрезентацијата на Португалија порано од очекувањата го заврши настапот на Купот на Конфедерации.
